UCHAGUZI TFF:WALLACE KARIA AIBUKA KIDEDEA NAFASI YA URAIS

 

Mwenyekiti wa Kamati ya uchaguzi mkuu wa TFF Revocatus Kuuli amemtangaza Wallace Karia kuwa Rais wa Shirikisho la Mpira wa Miguu Tanzania (TFF) kufuatia uchaguzi wa shirikisho hilo uliofanyika leo Makao Makuu ya Tanzania Dodoma.
Wallace Karia ameibuka mshindi wa nafasi ya Urais wa shirikisho hilo huku nafasi ya Makamu ya Rais ikichukuliwa na Michael Wambura, kwa matokeo hayo Wallice Karia anakuwa mrithi wa aliyekuwa Rais wa shirikisho la Mpira wa Miguu nchini Jamal Malinzi

 Wallace Karia (kulia) akiwa na makamu wake Michael Richard Wambura

 Baada ya kutangazwa washindi viongozi hao waliweza kula kiapo mbele ya wajumbe wa Kamati ya Uchaguzi, naa baada ya hapo Rais mpya wa shirikisho la mpira wa miguu (TFF) Wallace Karia aliwashukuru wajumbe na watanzania kujumla na kusema kuwa furaha aliyonayo iende kuwa furaha ya kazi kwa kufanya kazi kwa ajili ya maendeleo ya soka la Tanzania.
Hata hivyo Wallace amesema katika uongozi wake uwazi na uwajibikaji ndiyo nguzo kuu na kusema hivi sasa ubabaishaji katika mpira wa miguu sasa umekwisha, ubabaishaji wa soka sasa ni mwisho.
Katika uchaguzi huo wajumbe wa Kamati Kuu ya Uchaguzi waliweza kuchagua pia Kamati ya Utendaji wa Shirikisho la Mpira wa Miguu nchini Tanzania (TFF) katika kanda mbalimbali mbao ni

UONGOZI MPYA TFF NI KAMA IFUATAVYO:

NAFASI YA RAIS

Wallace Karia

Makamu wa Rais

Michael Wambura

Kanda namba 13 -Dar es Salaam

Mshindi ni Lameck Nyambaya

Kanda namba 12 Kilimanjaro na Tanga

Mshindi ni Khalid Andallah

Kanda No 11 Pwani na Morogoro

Francis ni Ndulane ameshinda

Kanda Namba 10 (Dodoma na Singida) 

Mshindi: Mohamed Abeid

Kanda Namba 9 (Lindi na Mtwara)

Mshindi: Dunstan Mkundi

Kanda namba 8 (Njombe na Ruvuma)

Mshindi:  James Mhagama

Kanda namba 7 (Mbeya na Iringa)

Mshindi: Elias Mwanjala

Kanda Namba 6 (Katavi na Rukwa)

Kenneth Pesambili

Kanda namba 5 (Kigoma na Tabora)

Issa Bukuku

Kanda namba 4 (Arusha na Manyara)

Mshindi: Sarah Chao

Kanda namba 3 (Shinyanga, Simiyu)

Mshindi: Mbasha Matutu

Kanda namba 2 (Mara, Mwanza)

Mshindi: Vedastus Lufano

Kanda namba 1 (Kagera, Geita) 

Mshindi: Salum Chama